7 Arsyet Pse po Zgjohesh Çdo Natë, në të Njëjtën Orë… (Dhe si të Flesh Rehat)

Sipas Dr. Hose Colon, rreth 4-6 zgjime nate konsiderohen normale për një person mesatar.

Kjo shkon prapa në ditët tona të hershme në shpella kur duhej të zgjoheshim për të garantuar sigurinë tonë.

Megjithatë, pas këtyre periudhave të shkurtra të qëndrimit zgjuar, ne duhet të jemi në gjendje të kthehemi përsëri të flemë me lehtësi.

Nëse nuk mund të bini menjëherë në gjumë, ka ndoshta disa gjëra që ju pengojnë të bëni një pushim të mirë.

Ja arsyet më të zakonshme përse zgjoheni në mes të natës dhe keni vështirësi të bini përsëri në gjumë.

7. Pozicioni i gabuar i gjumit

Simptomat si lodhja kronike, dhimbjet e kokës, urthi dhe dhimbja e qafës ose e shpinës mund të shkaktohen nga qëndrimi i parregullt.

Ju gjithashtu duhet t’i kushtoni vëmendje shtratit tuaj, dysheku juaj nuk duhet të jetë shumë i fortë, por nuk duhet të jetë tepër i butë.

Kontrolloni po ashtu që jastëku juaj të mbështesë qafën dhe kokën tuaj.

Sipas Dr. John Douillard, duke fjetur në anën tuaj të majtë mund të përmirësoni tretjen tuaj dhe qarkullimin e gjakut, të promovoni shëndetin emocional, të ndihmoni sistemin tuaj limfatik të funksionojë siç duhet dhe të parandaloni sëmundjet e zemrës.

6. Zhurma e mjedisit përreth

Nëse jetoni në një qytet të madh, ju e dini se si është të jeni të ekspozuar ndaj zhurmave të ndryshme ditë e natë.

Alarmi i telefonit të partnerit tuaj në shtrat, një fqinj që ndez radion çdo mëngjes, një autobus ose një tren që kalon, fëmijët ose kafshët shtëpiake që luajnë rreth e përqark, të gjitha këto zhurma mund të dëmtojnë ndjeshëm cilësinë e gjumit.

Përdorni tamponët për veshët gjatë gjumit, por mos harroni se ato kanë një hapësirë jetese vërtetë të shkurtër.

Ju gjithashtu duhet t’i ndërroni dhe pastroni ato rregullisht.

5. Apnea e gjumit

Apnea e gjumit nënkupton që rrugët e frymëmarrjes bëhen të bllokuara pjesërisht ose tërësisht dhe kjo mund të bëjë që ju të ndaloni në mënyrë të përsëritur frymëmarrjen gjatë natës.

Në këtë rast, zgjimi juaj shkaktohet nga një rënie në nivelin e oksigjenit të gjakut. Ndër simptoma të tjera të apnea-s, ju mund të përjetoni dhimbje koke, tharje të gojës, dhimbje gjoksi, përgjumje të tepruar dhe ndryshime në gjendjen shpirtërore.

Nëse diagnoza është e konfirmuar, mjekët mund t’ju këshillojnë që të përdorni një pajisje të presionit të vazhdueshëm pozitiv të rrugëve të frymëmarrjes për të mbajtur ajrosjen hapur ndërkohë që flini.

Në disa raste, një kirurgji orthognathic-e mund t’ju ndihmojë të lehtësoni procesin e frymëmarrjes duke korrigjuar pozicionin e gjuhës dhe nofullës tuaj.

4. Sindroma e këmbëve të shqetësuara

Nëse zgjoheni me një nevojë të fortë për të lëvizur këmbët tuaja, ndoshta keni sindromë të këmbëve të shqetësuara (RLS).

Ky problem neurologjik mund të shkaktojë kruajtje ose ndjesi zvarritëse në këmbët tuaja. Ndonjëherë, madje mund të ndjeni dhimbje të mprehta ose pulsim në gjymtyrët tuaja të poshtme.

Masazhet e këmbëve, stërvitja e moderuar dhe banjot e ngrohta mund të lehtësojnë simptomat e RLS.

Nëse vuani nga privimi i ndjeshëm i gjumit, mund të ndryshoni modelet tuaja të gjumit duke pushuar gjatë ditës.

3. Temperatura e gabuar e dhomës

Nëse e gjeni veten zgjuar në mes të natës, sepse keni shumë të ftohtë ose tepër të nxehtë, problemi do të ishte temperatura juaj e dhomës.

Si rregull, temperatura e trupit tuaj duhet të ulet paksa për t’ju futur në regjimin e fjetjes, por kjo nuk do të thotë që dhoma juaj duhet të ngrijë.

Sipas ekspertëve, temperatura ideale e dhomës për një gjumë të mirë të natës varion nga 15.56 °C në 19 °C. Për bebet ose të vegjlit, është midis 18 dhe 21 °C.

Ju gjithashtu mund të provoni të bëni një dush të ngrohtë para shtratit.

Së pari, ajo do të rrisë temperaturën e trupit tuaj dhe pastaj, pasi të dilni nga dushi, do të përjetoni një rënie të lehtë të temperaturës, e cila do të dërgojë sinjalin “gjumë” në trurin tuaj.

2. Konsumimi i alkoolit

Megjithëse alkooli ka efekt qetësues që mund t’ju bëjë të flini mjaft lehtë, në të vërtetë mund të jetë arsye për shqetësimet tuaja gjatë natës.

Ndërsa trupi juaj metabolizon alkoolin në sistemin tuaj, cilësia e gjumit tuaj mund të përkeqësohet, pasi mund të filloni të zgjoheni edhe në mes të natës.

Shmangni pijen të paktën një orë para se të shkoni në shtrat.

Në vend të kësaj, pini një filxhan çaj kamomil, kjo do t’ju ndihmojë të flini më mirë.

1. Koha e kaluar online

Lundrimi në rrjetet sociale mund të dëmtojë cilësinë e gjumit tuaj.

Siç tregojnë disa studime, ekspozimi i syve ndaj dritës blu gjatë mbrëmjes e pengon trupin tuaj të prodhojë melatoninën, hormonin e gjumit.

Fikni të gjitha pajisjet elektronike një ose dy orë para se të shkoni në gjumë.

Nëse absolutisht nuk mund të bëni dot pa kontrolluar telefonin tuaj ose tabletin tuaj, mbajeni të paktën deri në 60 cm larg nga fytyra juaj.

© Të gjitha të drejtat e rezervuara. Shkolla e Shëndetit 2018