Veprimet që Janë të Rrezikshme për Trurin (por pothuajse të gjithë i bëni)

Është një fakt i njohur në komunitetin shkencor se qelizat e trurit nuk rigjenerohen. Prandaj, duhet të jemi shumë të kujdesshëm në mënyrat me të cilat e trajtojmë trurin tonë, veçanërisht duke parë që rastet e sëmundjeve neurodegjenerative, si Alzheimer dhe Parkinson, janë në një nivel të lartë.

Ne nuk mund ta kuptojmë, por këto sëmundje nuk janë të rezervuara vetëm për njerëz mbi 50 vjeç. Edhe kur jemi në të njëzetat dhe të tridhjetat, ne mund të kemi zakone të këqija që mund të dëmtojnë aftësitë tonë njohëse.

Nëse nuk veprojmë si duhet tani, me patjetër do të pendohemi më vonë.

Sa më shpejt që ne të stërvitemi në një disiplinë që lejon një shëndet më të mirë të trurit, aq më shpejt do të jemi në gjendje të fillojmë të ulim numrin e sëmundjeve neurodegjenerative nga të cilat prekemi.

Hidhni një sy disa zakoneve që janë vërtet të këqija për trurin tonë, por gjithkush i bën ndonjëherë ato. Mundohuni t’i bëni këto gjëra gjithnjë e më pak për t’u siguruar që truri juaj të mbetet i shëndetshëm.

1. Pirja e duhanit

Ne të gjithë kemi dëgjuar për arsyet se përse pirja e duhanit është e keqe dhe përse duhet ta lini, por a e dini se mund të shkaktojë dëme të konsiderueshme në trurin tuaj? Tymi i cigareve redukton furnizimin e oksigjenit në tru.

Kjo do të thotë që ju nuk mund të funksiononi në kapacitetin tuaj normal. Një lidhje është provuar mes Alzheimerit, Demencës dhe pirjes së duhanit.

Për më tepër, tymi i cigareve nuk shkakton vetëm kancer të mushkërive. Qelizat kanceroze si rezultat i riprodhimit të gabuar të ADN-së mund të shfaqen edhe në tru.

2. Gjumë i pamjaftueshëm

Mungesa e gjumit është shoqëruar shumë me Demencën e hershme dhe sëmundjen e Alzheimerit. Kur fle, truri juaj ka një shans për të pushuar dhe për të rimarrë veten pas një pune të gjatë të ditës.

Nëse i privoni trurit tuaj atë pjesë, ai do të keqësohet më shpejt. Shumë njerëz sot kanë problem të flenë për një kohë të mirë dhe të marrin sasinë e duhur të cikleve REM në netët e tyre.

Nëse jeni duke luftuar me pagjumësinë, provoni zvogëlimin e marrjes së kafeinës dhe alkoolit. Gjithashtu shmangni ekranet (të tilla si laptopë, telefonë dhe televizorë) përpara gjumit.

Kjo jo vetëm që do t’ju ndihmojë të ndjeheni më mirë në mëngjes, por gjithashtu do të keni kujdes afatgjatë të kompetencave tuaja njohëse.

3. Vetmia

Kjo mund të tingëllojë si një shtesë e çuditshme në listë dhe ndonjëherë nuk është diçka që mund ta rregulloni drejtpërdrejt, megjithatë, izolimi mund të çojë në përkeqësim kognitiv.

Sigurisht, të qenit i vetmuar nuk do të thotë të mos keni njerëz rreth jush. Ju mund të jeni po aq i vetmuar në një dhomë plot njerëz.

Për të shmangur këtë, vlerësoni marrëdhëniet me njerëzit rreth jush. Nëse e gjeni veten duke u përpjekur të kuptoni pse nuk mund të krijoni marrëdhënie të qëndrueshme, merrni në konsideratë kërkimin e ndihmës profesionale.

4. Detyrimi i vetes për të punuar edhe kur jeni të sëmurë

Ne të gjithë kemi pasur ato momente kur ne kemi qenë të sëmurë me grip dhe ende detyrohemi të ngrihemi nga shtrati për të shkuar në punë. Ka disa lloj arsyesh përse e bëjmë këtë.

Fakti është se është një zakon jashtëzakonisht i keq kur është fjala për shëndetin e trurit. Kur jeni duke luftuar me sëmundje, trupi juaj është duke u përpjekur të përqendrojë burimet e tij drejt shërimit tuaj.

Kjo vlen edhe për trurin tuaj. Kur përpiqeni ta zini trurin tuaj me gjëra të tjera, ju jeni duke e ngarkuar pafundësisht me punë. Kjo do të thotë se thjesht sa do të shtoni ditët e të sëmurit. Kuptoni kur duhet të qëndroni në shtëpi nga puna për t’u kujdesur për veten.

5. Dëgjim i dobët

Veshët tonë janë të ekspozuar ndaj një presioni të madh në botën moderne. Mendoni për zhurmën e madhe të makinave dhe kantiereve të ndërtimit.

Gjithashtu, mbani mend të gjitha ato raste kur e keni ngritur atë këngën e preferuar në volumin më të lartë në kufjet tuaja? Nëse përpiqeni të matni nivelet e zhurmës rreth jush, do të habiteni kur të mësoni se sa lart janë.

Shkencëtarët kanë provuar se humbja e dëgjimit lidhet në mënyrë të pashmangshme me rënien e aftësisë njohëse. Ndërkohë që mund të duket e vështirë, përpiquni të kujdeseni më mirë për veshët tuaj dhe të kaloni pak kohë në qetësi çdo ditë.

6. Jetesa sedentare

Ne të gjithë i kemi ato ditë kur thjesht nuk duam të dalim nga shtëpia. Megjithatë, të kalosh gjithë ditën në divan është e dëmshme për shëndetin tuaj të trurit dhe shëndetin tuaj të përgjithshëm të trupit.

Stilet e dobëta të jetesës janë të lidhura me sëmundje të tilla si diabeti dhe sëmundjet e zemrës, të cilat nga ana e tyre janë të lidhura drejtpërdrejt me sëmundjen degjenerative të trurit.

Edhe nëse nuk doni ta bëni apo e keni të vështirë, gjeni pak kohë për të dalë çdo ditë, thjesht sa për një ajër të freskët. Pastaj shtojeni dozën duke e alternuar me ushtrime e stërvitje dhe me shëtitje të gjata.

Sa më shumë të lëvizin muskujt, aq më shumë do të stimulohet edhe mendja juaj.

Mund të duket sikur çdo gjë që bëni mund të jetë e dëmshme për trurin tuaj. Megjithatë, përpiquni të qëndroni pozitivë!

Tani që ju e dini se si të kujdeseni për të, ju do të jeni në gjendje t’i bëni më mirë shëndetit tuaj. Sigurohuni që t’i ndiqni këto këshilla për t’u përgatitur për të jetuar vitet tuaja të arta, shëndoshë e mirë dhe të lumtur.

© Të gjitha të drejtat e rezervuara. Shkolla e Shëndetit 2018