Anemia është një gjendje ku trupi juaj nuk ka mjaftueshëm qeliza të shëndetshme të kuqe të gjakut, me fjalë të tjera kur ato nuk mbajnë hemoglobinë të mjaftueshme, ose kur këto qeliza nuk bëjnë atë që duhet të bëjnë.
Qelizat e kuqe të gjakut janë përgjegjëse për transportin e oksigjenit në trupin tonë dhe largimin e dioksidit të karbonit nga ai. Nëse këto procese nuk funksionojnë siç duhet, ne helmohemi nga dioksidi i karbonit.
Ne përgatitëm një listë kontrolli të simptomave të anemisë dhe të mënyrave për t’i trajtuar ato.
Shenjat e anemisë
Shkaqet e anemisë mund të jenë të ndryshme. Natyrisht, ne të gjithë lodhemi herë pas here, por në qoftë se shumica e këtyre simptomave mund të shfaqen tek ju, ia vlen të bëni një kontroll.
Lëkurë e zbehtë dhe brenda qepallave të poshtme
Kur trupi ynë nuk merr oksigjen mjaftueshëm ose vuan nga një numër i reduktuar i qelizave të kuqe të gjakut, lëkura ndryshon ngjyrën dhe ne dukemi shumë të zbehtë.
Kjo nuk vlen vetëm për fytyrën por për të gjithë trupin, sidomos për duart, pjesën e brendshme të qepallave të poshtme dhe gjuhën.
Rrahje të parregullta të zemrës
Nivelet e ulëta të hemoglobinës e bëjnë zemrën të punojë më shumë se normalja për të pompuar gjakun përmes sistemit tonë dhe i duhet të punojë tepër duke u përpjekur të na japë oksigjen të mjaftueshëm që mund të rezultojë në rrahje të parregullta të zemrës.
Lodhja
Nëse organet tona nuk marrin sasinë e duhur të oksigjenit, trupi ynë duhet të punojë shumë më tepër për të prodhuar energji të mjaftueshme për funksionimin e përditshëm dhe kjo na bën të ndiheni shumë të lodhur dhe të këputur.
Probleme me përqëndrimin
Të gjitha organet tona kanë nevojë për oksigjen për të funksionuar mirë dhe truri nuk bën përjashtim. Nëse niveli i oksigjenit është më i ulët se sa që nevojitet, nuk mund të mendojmë qartë dhe vuajmë për t’u përqëndruar.
Dobësim i thonjve
Nëse thonjtë tuaj janë të brishtë ose zhvillojnë një formë luge, kjo mund të jetë një tjetër simptomë e zakonshme, por jo e njohur, e anemisë. Thonjtë kërkojnë oksigjen për të qëndruar të shëndetshëm.
Çarje në skajet e buzëve
Visualizza questo post su Instagram
Shumicës prej nesh u bëhen ndonjëherë buzët e thata ose të plasura, për shkak të erës diellit ose temperaturaturave të ulëta, por anemia shkakton zona të veçanta të të çarave, gjë që ndikon në qoshet e buzëve.
Dëshira të pazakonshme për substancat jo-ushqyese
Shkencëtarët nuk kanë ende një shpjegim përse anemia i shkakton këto dëshira të çuditshme, por më të shpeshtat janë dëshirat për dheun, shkumësin ose akullin.
Trajtim natyral për aneminë
Ka shumë lloje të anemisë dhe trajtimi do të ndryshojë në varësi të asaj që e ka shkaktuar këtë gjëndje.
Përmirësimi i niveleve të acidit të stomakut
Kur stomaku ynë nuk prodhon acid të mjaftueshëm, trupi ynë nuk mund ta shpërbëjë ushqimin në shkallën e kërkuar dhe kjo mund të shkaktojë keqpërdorim të mineraleve dhe vitaminave, duke përfshirë hekurin dhe vitaminën B12.
Ju merrni ushqyes të mjaftueshëm nëpërmjet ushqimit dhe shtojcave, por ato thjeshtë nuk hyjnë në sistemin tuaj.
Mënyrat për të përmirësuar nivelet e ulëta të acidit:
- uthull molle, holloni një lugë gjelle uthull molle në një gotë me ujë dhe pijeni 15 minuta para një vakti
- xhenxhefili ndihmon në stimulimin e lëngjeve të tretjes
- ushqimi i fermentuar gjithashtu përmirëson tretjen
Hani ushqime të fermentuara
Ushqimi i fermentuar është i ngarkuar me probiotikë, të cilat janë baktere të mira që ndihmojnë sistemin tonë të tretjes të funksionojë mirë. Këto baktere janë të njohura për shërimin e veshjes së brendshme të zorrëve.
Shembuj të ushqimeve të fermentuara përfshijnë:
- lakër turshi
- kefir
- djathra të papërpunuara
- kos
Eliminoni ushqimet prej të cilave jeni të ndjeshëm
Ndjeshmëria ndaj ushqimit mund të irritojë sistemin e tretjes dhe të jetë përgjegjëse për shkaktimin e zorrëve qe rrjedhin. Shmangia e ndonjë intolerance ushqimore do të ndihmojë për ta shëruar atë.
Acidi folik
Acidi folik është një formë e vitaminës B9 dhe luan një rol të rëndësishëm në shumë funksione në trupin tonë, duke përfshirë ndërtimin e qelizave të kuqe të shëndetshme të gjakut.
Ushqime të pasura me acid folik:
- perime jeshile
- bizelet
- papaja
- agrumet
- drithërat
Furnizohuni me B12
Vitamina B12 është gjithashtu një element thelbësor i qelizave të kuqe të gjakut të shëndetshëm. Vegjetarianët dhe gratë shtatzëna mund të jenë në rrezik më të lartë për një mangësi të vitaminës B12.
Ushqime të pasura me Vitaminë B12:
- Mishi
- vezët
- produktet me përmbajtje qumështi
- peshku
- frutat e detit
Më shumë hekur
Hekuri është një nga elementët që është esencial për trupin tonë që të funksionojë siç duhet. Është një mineral kyç për prodhimin e qelizave të kuqe të gjakut dhe mungesa e tij ka shumë gjasa të shkaktojë anemi.
Ka dy mënyra për të rritur marrjen e hekurit – përmes shtesave dhe ushqimit.
Ushqime të pasura në hekur:
- mishi i kuq
- panxhari
- spinaqi
- brokoli
- thjerrëzat dhe fasulet
- arrat
- drithërat
Shënim***: Sigurisht që nuk jemi të kualifikuar për të dhënë ndonjë diagnozë. Por në qoftë se këto simptoma aplikohen për ju, ndoshta është ide e mirë të kontrolloheni tek një mjek.
A dini ndonjë mjet më natyral për trajtimin e anemisë? A ju duk ky artikull i dobishëm? Ndajeni me miqtë dhe familjen tuaj.