Shtatzënia, një përvojë e gëzueshme që gjithashtu sjell me vete shumë shqetësime. Çfarë ndjesie të jepet para lindjes, sa kohë do të zgjasë dhe si ta dime nëse erdhi koha vërtetë apo është vetëm një alarm i rremë janë vetëm disa nga pyetjet për të cilat nënat humbasin gjumin.
Për të ndihmuar ato që shumë shpejt do të bëhen prindër le të njohim shenjat e hershme të lindjes. Ne kemi përgatitur një listë prej 8 shenjash që duhet të keni në vëzhgim.
Ju ndaloni së fituari peshë dhe mund të përjetoni edhe një humbje të lehtë në peshë.
Gjatë fazës së fundit të shtatzënisë, ju do të ndaloni së fituari peshë të mëtejshme. Disa nëna të ardhshme gjithashtu përjetojnë një humbje të lehtë në peshë. Por mos u shqetësoni, është krejtësisht normale dhe as ju dhe as fëmija juaj nuk do të përjetoni ndonjë efekt të dëmshëm dhe fëmija juaj do të vazhdojë të fitojë peshë.
Shikoni për ndryshime në ngjyrë dhe konsistencë në shkarkimin vaginal.
Në ditët e fundit para lindjes, mund të vërehet një rritje në shkarkimin vaginal. Shkarkimi gjatë kësaj periudhe do të jetë më i trashë se zakonisht. Ky shkarkim i trashë dhe i kuq quhet shfaqja e përgjakshme dhe është një tregues se lindja është e afërt.
Mund të përjetoni dhimbje të ngjashme me ato të periodave
Kontraktimet e hershme të lindjes ndjehen si dhimbje të forta menstruale. Ju mund të përjetoni dhimbje në pjesën e poshtme të barkut, pjesën e poshtme të shpinës ose në të dyja këto vende. Kjo dhimbje gjithashtu mund të shfaqet edhe tek këmbët.
Kontraktimet bëhen më të shpeshta dhe të rënda
Nëse kontraktimet tuaja po bëhen më të shpeshta dhe intensiteti i tyre priret të shtohet me kalimin e kohës, ndërsa shtatzania po përparon, është koha për të thirrur mjekun ose maminë. Kontraktimet janë një shenjë e hershme e kohës së lindjes. Ato ndodhin sepse mitra juaj shtrëngohet në përgatitje për momentin që prisni me padurim: të shtyni fëmijën jashtë.
Ju mendoni se foshnja është duke rënë poshtë në legen
Kjo është veçanërisht për ato që d bëhen nëna për herë të parë. Ato mund të ndiejnë që foshnja po zbret në legen. Zakonisht ndodh 2 deri 4 javë para kohës së lindjes, por mund të ndryshojë. Informoni mjekun tuaj pasi ta ndjeni këtë ndjesi. Kjo ndodh sepse foshnja po hyn në pozicionin e daljes, në mënyrë ideale me kokë poshtë.
Në lindjet e mëvonshme, kjo ndjenjë shfaqet vetëm kur jeni vërtet duke lindur.
Dhimbja në fundshpinë nuk pushon
Ju mund të përjetoni dhimbje në pjesën e poshtme të shpinës dhe në ijë ndërsa afrohet momenti i lindjes. Kjo është për shkak se muskujt përgjegjës për lindjen po zhvendosen dhe shtrihen në përgatitje për ditën e shumëpritur.
Ju dëshironi të rregulloni shtëpinë tuaj dhe ta bëni atë gati për fëmijën
Shumë nëna zhvillojnë një instinkt “çerdhje” ndërsa dita e lindjes afrohet. Nëse edhe ju ndjeni një kërkesë bindëse për të pastruar shtëpinë tuaj dhe për të organizuar gjithçka për të mirëpritur anëtarin më të ri të familjes suaj, mund të jeni pranë afatit të shumëpritur.
Sidoqoftë, mund të ndiheni e lodhur dhe të keni gjumë gjatë ditëve ose javëve të fundit që çojnë në lindje. Nëse ky është rasti, sigurohuni që ta dijë edhe mjeku juaj.
Qafa e mitrës fillon të zgjerohet.
Si përgatitje për lindjen, qafa e mitrës fillon të shtrihet dhe të hollhet disa ditë ose javë para se të lindni. Por mbani mend se të gjithë përparojnë drejt lindjes në mënyra të ndryshme, prandaj është e rëndësishme që të kontrolloheni rregullisht nga mjeku ose mamia juaj.
Çfarë duhet të bëni kur të fillojë lindja
Vazhdoni të ndryshoni pozicionet: Shkoni për një shëtitje dhe lëkundni këmbët në anë. Çelësi është që të mbeteni në lëvizje në mënyrë që fëmija të mund të zbresë dhe të vendosë më shumë presion në qafën e mitrës për ta ndihmuar atë të zgjerohet.
Sigurohuni të hani dhe të pini ujë mjaftueshëm: Ushqimi para fillimit të lindjes do t’ju japë të gjithë energjinë që ju nevojitet për t’ju mbajtur të fortë. Mos harroni të merrni një shishe uji në spital.
Mos nxitoni: Lindja, veçanërisht e para, mund të jetë një proces i gjatë. Ju duhet të shkoni në spital kur kontraktimet tuaja të bëhen të rregullta dhe të vijnë çdo 4-5 minuta.
Mos harroni çantën tuaj të spitalit
Ndani këtë artikull me të gjitha gratë shtatzëna që njihni. Dhe nëse keni përjetuar shtatzëni, na tregoni se cilat shenja të tjera keni vënë re para lindjes.