Një person mesatar ka rreth 30-40 nishane në trupin e vet. Për fat të mirë, nuk ka asnjë lidhje midis numrit të nishaneve dhe melanomës. Por janë karakteristikat e tyre, të cilave duhet t’u kushtojmë shumë vëmendje.
Vetë-ekzaminimi i rregullt mund t’ju ndihmojë të vëreni gjithçka që është e dyshimtë, në kohë, për të marrë ndihmë profesionale dhe për të parandaluar ndonjë pasojë të rëndë.
Ne do ju përshkruajmë konceptet themelore të rregullit popullor AKNDE që mund t’ju ndihmojnë të njihni çdo ndryshim të mundshëm të nishanit në një fazë të hershme. Dhe si një bonus, do të gjeni një teknikë tjetër diagnostikuese që përmirëson saktësinë e qasjes ABCDE.
A për asimetrinë
Asimetria mund të jetë një shenjë se diçka nuk është në rregull me nishanin. Një nishan normal duhet të jetë simetrik, që do të thotë se të dy gjysmat e tij duhet të duken njësoj. Ata duhet të përputhen me njëri-tjetrin në madhësi, ngjyrë dhe formë. Nëse vizatoni një vijë imagjinare nga mesi i nishanit, duhet të shihni 2 pjesë që përputhen.
K është për kufirin
Nishani beninje zakonisht ka kufij të qetë dhe të përcaktuara mirë, ndërsa me ato malinje ka të ngjarë të shihni kufij të parregullt dhe të pabarabartë. Skajet mund të shlyhen ose të mjegullohen dhe gradualisht mund të zhduken në lëkurën përreth.
N është për ngjyrën
Të kesh shumë ngjyra në nishan mund të jetë një shenjë shqetësuese pasi nishanët e shëndetshëm supozohet të jenë me një ngjyrë (zakonisht kafe). Nëse nishani përbëhet nga hije të ndryshme të kafesë, të zezë, të kuqe, të bardhë ose blu, mund të jetë një flamur i kuq që është koha për të parë një dermatolog.
D është për diametrin
Është e rëndësishme t’i kushtoni vëmendje madhësisë së nishanit: nëse është më i madh se 6 milimetra, mund të jetë një shenjë paralajmëruese. Disa melanoma mund të jenë më të vogla se kjo në fazën e hershme. Prandaj është më mirë t’i kushtoni vëmendje shenjave të tjera dhe të mos arrini në përfundime që bazohen vetëm në një karakteristikë.
E është për evoluimin
Vëzhgoni sesi ndryshon nishani juaj me kalimin e kohës. Mund të ketë disa ndryshime në madhësi, formë ose ngjyrë. Cilësia e tij mund të ndryshojë kur një nishan beninj shndërrohet në melanomë.
Nëse vëreni ndonjë ndryshim ose simptomë të re si dhimbje, ënjtje ose kruajtje, mos e shtyni vizitën tuaj tek mjeku.
Bonusi: “Shenja e Ugly Duckling”
“Shenja e Ugly Duckling” është një qasje alternative për të zbuluar malinjitetin që mund të kombinohet me rregullin AKNDE për një mënyrë më të mirë për të diagnostikuar vetë. Sipas këtij koncepti, është thelbësore që jo vetëm të kontrolloni nishanet për të parë nëse ato përputhen me kriteret e atyre normale, por t’i krahasoni ato me nishanet e tjera në trup. Ato që duken më të ndryshëm nga të tjerët, ka shumë të ngjarë ato që mund të jenë malinje.
A dini ndonjë shenjë tjetër për të cilat njerëzit duhet të jenë të vetëdijshëm? Ndani ato me komunitetin tonë në komentet më poshtë.