Sot, edhe më shumë sesa në të kaluarën, vëmendja jonë përqendrohet në cilësinë e ushqimit që sjellim në tryezë. Sidoqoftë, ne priremi të nënvlerësojmë ose injorojmë faktin e rëndësishëm që nganjëherë hamë ushqime të caktuara në mënyrë të gabuar.
Asparagu, luleshtrydhet, kosi dhe fasulet janë të gjitha ushqime të shëndetshme, por ne shpesh nuk i hamë si duhet dhe përfundojmë duke mos i përfituar ushqyesit e tyre.
Ne kemi renditur 11 ushqime që me siguri keni qenë duke i ngrënë të gabuar gjatë gjithë jetës suaj.
Farat e lirit
Farat e lirit përmbajnë fibra, omega-3 dhe fitonutrientë, të gjitha këto janë substanca të vlefshme për trupin. Sidoqoftë, trupat tanë nuk janë në gjendje t’i tretin kur ato konsumohen të plota. Kjo është arsyeja pse ato duhet të shtypen para se të hahen në mënyrë që të mos humbasin vetit[ e tyre të dobishme.
Asparagu
Asparagu kurrë nuk duhet të gatuhet në mikrovalë, edhe kur ka pak kohë për t’i kushtuar gatimit. Kjo gjë zvogëlon përmbajtjen e vitaminës C të kësaj perime për shkak të lëndëve ushqyese të tretshme në ujë. Mënyra ideale për të gatuar kërcellin e asparagusit është duke i bërë avull ose tiganisje në mënyrë që ato të bëhen të buta.
Kivi
Lëkura e kivit përmban një përqendrim të lartë të lëndëve ushqyese, veçanërisht fibra, folate dhe vitaminë E. Konsumimi i një kivi të tërë (përfshirë lëkurën) rrit përmbajtjen e fibrave, vitaminës E dhe folateve me 50%, 32% dhe 34%. Meqenëse shumë njerëz nuk konsumojnë sa duhet nga këto lëndë ushqyese në dietat e tyre, të hani kivi me lëkurë është një mënyrë e thjeshtë për të rritur sasinë e lëndëve ushqyese që merrni.
Domatet
Domatet janë ndër ushqimet që duhet të hahen të gatuara, në mënyrë që të mund të përfitoni nga lëndë ushqyese si likopeni i cili mbron nga tumoret dhe sëmundjet e zemrës. Lëndët ushqyese shtohen nëse ngrohni domatet në rreth 90 ° C.
Çaji i zi
Çaji i zi është një nga pijet më të konsumuara por kini kujdes që mos ta përzieni me qumështin. Produktet e qumështit nuk ndikojnë në antioksidantët që ai përmban, por ato bllokojnë përfitimet kardiovaskulare të çajit pasi proteinat e qumështit i bëjnë ushqyesit më të vështirë për t’i përthithur.
Luleshtrydhe
Luleshtrydhet janë të pasura me fibra, antioksidantë dhe vitaminë C, të ngjashme me shumicën e frutave të kuqe. Për shkak se trupi ka nevojë për këto lëndë ushqyese, këto fruta nuk duhet të ruhen kurrë të prera. Kur luleshtrydhet janë prerë, ato bëhen të ndjeshme ndaj dritës dhe oksigjenit dhe humbasin ushqyesit e tyre shumë lehtë.
Brokoli
Brokoli është një nga ato ushqime që duhet të hahen gjithnjë të papërpunuara ose më së shumti, të gatuhen me avull. Në fakt, duke i zier ose skuqur, ato humbasin vitaminën C, klorofilin, antioksidantët dhe komponimet anti-kancerogjene, të cilat janë të gjitha thelbësore për trupin.
Fasulet
Fasulet e thata përmbajnë komponime antioksiduese të quajtura fitate, por këto lidhen me vitamina dhe minerale që përmbajnë ushqimiet dhe nuk mund të përthithen nga trupi. Do të ishte mirë t’i lini në ujë brenda natës, në mënyrë që të çlirohen nga substanca të tepërta.
Hudhra
Hudhra përmban allicinë, një enzimë antitumore që e rrit forcën me ekspozimin në ajër. Kjo është pikërisht arsyeja pse hudhra duhet të copëtohet para se të përdoret dhe më pas lihet të pushojë për të paktën 10 minuta. Në këtë mënyrë, përfitimet e saj do të jenë të pabesueshme.
Kosi
Substanca ujore që shpesh gjendet mbi kos sapo të hapet ena quhet hirrë, e cila përmban proteina dhe vitaminë B12. Prandaj, ajo kurrë nuk duhet të hidhet në lavaman. Para se të hani kosin, do ishte mirë ta trazonit pak.
Kastravecat
Është e preferueshme t’i hani kastravecat së bashku me lëkurën e tyre, duke pasur parasysh nivelin e lartë të fibrave. Sidoqoftë, nëse nuk jeni të sigurt për origjinën e perimeve dhe nuk mund ta lani tërësisht, është e preferueshme të hiqni lëkurën për të shmangur marrjen e pesticideve ose baktereve.
Sushi
Shumica e njerëzve e hanë gabim Sushin. Duhet të hani rrumbullakët duke përdorur gishtat, jo shkopinjtë. Shkopinjtë zakonisht përdoren për të ngrënë Sushi klasike, jo rrumbullakët.
Gjithashtu, kërkohet një sasi minimale e salcës soje, dhe nuk duhet të zhytni kurrë orizin në salcën e sojës, vetëm anën e peshkut. Xhenxhefili dhe wasabi nuk janë menduar të përzihen me salcën e sojës.
Xhenxhefili është për pastrimin e qiellzës tuaj dhe duhet të hahet veçmas, dhe vetëm një sasi e vogël e wasabi duhet të vihet drejtpërdrejt në peshk para se të hahet.
Ka shumë ushqime të tjera që ne i hamë në mënyrë të gabuar pa e ditur atë. A dini ndonjë nga ushqimet që nuk u përmendën më lart? A e keni ngrënë ndonjëherë këtë ushqim ose ndonjë gjë tjetër në mënyrë të gabuar? Ndani sugjerimet tuaja me ne në komente!