10 Gjërat që Janë më Pak të Shëndetshme Sesa Kemi Menduar

Shumë prej nesh kanë dëgjuar fakte rreth disa ushqimeve që ne besonim se ishin të vërteta – për të zbuluar më vonë se këto ishin thjesht një mit. Si, për shembull, fakti që kufizimi i kalorive dhe ndjekja e një diete pa gluten mund të bëjë më shumë dëm sesa të mirë për shëndetin tuaj.

Është mjaft sfiduese të përpiqeni të mbani një peshë të shëndetshme dhe të ushqeheni si duhet dhe marrja e informacioneve të gabuara për shëndetin dhe ushqimin mund t’ju japë edhe një arsye tjetër për t’u shqetësuar.

Ne besojmë se faktet në lidhje me shëndetin duhet të mbështeten nga shkenca. Ne kemi bërë hulumtimet tona për të përgatitur këtë listë të ushqimeve të njohura që mund të mos jenë aq të shëndetshme sa mendonit.

Ujë me limon

Për shkak të aciditetit të tij, limoni mund të përkeqësojë refluksin e acidit, një gjendje e zakonshme që prek 60 milion amerikanë çdo muaj. Lëngu acid, siç është uji me limon, mund të dëmtojë gjithashtu smaltin e dhëmbëve. Dentistët rekomandojnë përdorimin e një pipi kur pini ujë me limon dhe të shpëlani gojën më pas.

Çaj

© Unsplash.com, © Unsplash.com

Shumica prej nesh e dinë që kafeja e zezë mund të njollosë dhëmbët tuaj, por çaji gjithashtu mund të ndikojë në ngjyrën e smaltit tuaj. Për shkak se çaji përmban më shumë taninë se kafeja, ka edhe më shumë të ngjarë të shkaktojë njolla të zgjatura. Pirja e një gote me ujë pas një filxhani çaji mund të ndihmojë për të zvogëluar njollosjen.

Fruta të thata

© Depositphotos.com, © Depositphotos.com

Shumë njerëz zëvendësojnë karamelet me fruta të thata, por kjo në fakt mund të jetë mjaft e rrezikshme për dhëmbët tuaj. Kompanitë shpesh përdorin ngjyrosjen artificiale të ushqimit për t’i bërë frutat e thata më tërheqëse, dhe këto mund të njollosin dhëmbët tuaj.

Frutat e thata mund të zvogëlojnë sekretimin natyror të pështymës në gojën tuaj. Për shkak se pështyma ndihmon për të luftuar bakteret, ajo mund të shkaktojë më shumë probleme të shëndetit oral.

Shurupi “Agave”

© Shutterstock.com, © Depositphotos.com

Shumë njerëz të ndërgjegjshëm për shëndetin përpiqen të shmangin sheqerin dhe në vend të tij përdorin ëmbëlsues natyralë. Por nektari i agave është një shurup shumë i përpunuar dhe është rrezikshmërisht i lartë në fruktozë. Kjo mund të dëmtojë mëlçinë tuaj sepse po e kthen fruktozën në yndyrë, e cila nga ana tjetër, mund të shkaktojë dhjamosjen e mëlçisë.

Ushqime me pak kalori

© Shutterstock.com, © Depositphotos.com

Më shumë se 80% e njerëzve rifitojnë peshë sapo të lënë dietat dhe shkencëtarët besojnë se ushqimi me kalori të ulët është për t’u fajësuar. Nëse rregullisht merrni më pak kalori sesa trupi juaj ka nevojë, kjo bën që metabolizmi juaj të ngadalësohet. Për shkak se këto dieta zakonisht kanë pak proteina, kjo ndikon në indet tuaja muskulore.

Në vend që të kufizoni kaloritë, ekspertët mjekësorë rekomandojnë të hani mjaftueshëm proteina dhe të shtoni ushtrime rezistence në rutinën tuaj të stërvitjes.

Proteina pluhur

© Unsplash.com, © Shutterstock.com

Ndërsa është e vërtetë që proteina është thelbësore për forcën e muskujve dhe trupit tuaj, nxitja për të shtuar më shumë proteina në vaktet tuaja bazohet në marketing. Nëse ndiqni një dietë të shëndetshme, ju merrni mjaftueshëm proteina nga vaktet tuaja.

Por proteina në formën e suplementeve mund të bëjë më shumë dëm sesa dobi. Mund të shkaktojë shqetësime të tretjes nëse jeni intolerant ndaj laktozës dhe ka shumë pak hulumtime për efektet e saj afatgjata.

Lëng jeshil

© Depositphotos.com, © Unsplash.com

Lëngu i gjelbër ka qenë një trend shëndetësor për një kohë të gjatë, por nuk ofron aq shumë përfitime shëndetësore sa frutat dhe perimet. Lëngjet përmbajnë shumë pak fibra, të cilat janë thelbësore për tretjen e duhur dhe mbajtjen e një peshe të shëndetshme.

Ushqime me pak karbohidrate

© Depositphotos.com, © Depositphotos.com

Ekspertët mjekësorë i nxisin njerëzit të shmangin dietat me pak karbohidrate. Ulja e karbohidrateve mund t’ju ndihmojë të humbni peshë shpejt, por mos marrja e mjaftueshme e karbohidrateve për një kohë të gjatë mund të çojë në sëmundje kardiovaskulare.

Vaj kokosi

© Depositphotos.com, © Depositphotos.com

Edhe pse vaji i kokosit ka shumë cilësi unike, është më mirë ta konsideroni atë një trajtim të rastit. Ka tendencë të rrisë nivelet e kolesterolit dhe mund të rrisë rrezikun e sëmundjes së zemrës.

Produkte pa gluten

© Unsplash.com, © Depositphotos.com

Një dietë pa gluten është thelbësore për njerëzit që vuajnë nga sëmundja celiake, por kalimi në të vullnetarisht mund të dëmtojë shëndetin tuaj. Shumë ushqime të pjekura pa gluten kanë shumë kalori dhe sheqer. Ka edhe shumë ushqime të shëndetshme me gluten që mund t’i japin trupit tuaj ushqyesit thelbësorë.

© Të gjitha të drejtat e rezervuara. Shkolla e Shëndetit 2018