Supë super e shijshme me brokoli (Receta)

0
398

Përbërësit:

500 gr brokoli
2 thelpinj hudhre ose 1 kokërr qepë
4 lugë gjelle vaj ulliri
2 patate mesatare ose 1 degë selino
Borzilok
800 ml lëng i nxehtë pule ose perimesh
Nenexhik
Kripë

Gatimi:

Në një tas hedhim tre lugë vaj ulliri, hudhrën të cilën e kemi grirë shumë imët në mënyrë që të përftohet aroma e saj. Ndërkohë nisim përgatitjen e supës. Pastrojmë patatet, i qërojmë dhe i presim në kubikë të vegjël ndërsa ndajmë brokolin në degë të vogla.

Në një tenxhere hedhim një lugë gjelle vaj ulliri e vendosim dhe zjarr dhe më pas shtojmë brokolit dhe patatet, bashkë me gjethet e metnes dhe borzilokut, i kaurdisim të gjitha bashkë për 3 minuta, Shtojmē lëngun e nxehtë të pulës ose perimeve dhe i lëmë të zjejnë bashkë përreth 30 minuta.

I heqim nga zjarri dhe i fusim në mikser derisa të jetë përftuar një masë kremoze e supës. Më pas tenxheren e vendosim edhe për disa minuta të tjera në zjarr ndërkohë që hedhim kripën dhe piperin. E trazojmë dhe pas 10 minutash e heqim nga zjarri.

E hedhim në tasat e servirjes së supës, i spërkasim sipas dëshirës me piper të zi, vaj ulliri ose hudhër të grirë imët dhe e shërbejmë të ngrohtë.

LEAVE A REPLY

Please enter your comment!
Please enter your name here