Përdoret nga yjet e famshëm, ky është mëngjesi që duhet të hani për të qëndruar në formë

0
388

Bollguri është rekomanduar nga nutricionistët për dekada si një mëngjes ideal për arsye të mira, pasi është plot me fibra dietike dhe ul kolesterolin. I pasur me fibra, ky ushqim super i shëndetshëm ju mban të ngopur dhe të kënaqur, që do të thotë se do të hani më pak me kalimin e ditës.

Këtë e përdorin shumë të famshëm për të cilët është shumë e rëndësishme të ruajnë një pamje dhe figurë të shëndetshme. Kështu, mëngjesi i preferuar i yllit Khloe Kardashian është bollguri, të cilin e përgatit me qumësht me pak yndyrë dhe një filxhan kafe.

Një nga modelet më të famshme australiane, Catherine McNeil, e nis ditën me një mëngjes të lehtë, i cili përbëhet nga bollgur me rrush të thatë. Të njëjtin mëngjes pëlqen edhe Adriana Lima dhe gjykoni vetë nëse i përshtatet linjës së saj.

Miranda Kerr thotë se i pëlqen rregulli 80:20 në dietën e saj.
80 përqind të rasteve asaj i pëlqen të ushqehet shëndetshëm dhe baza e mëngjesit është bollguri, dhe në 20 për qind të tjera e lë veten të shijojë ëmbëlsirat.

Përveç që përmban një numër të vogël kalorish dhe një numër të madh fibrash, bollguri është i pasur me proteina, vitamina të grupit B, kalcium dhe hekur.

Konsumimi i përditshëm i tij ul nivelin e kolesterolit të keq, zvogëlon rrezikun e sëmundjeve kardiovaskulare, përmirëson imunitetin, rregullon nivelet e sheqerit në gjak, pastron zorrët, ka një efekt pozitiv në sistemin nervor dhe ul rrezikun e diabetit të tipit 2.

LEAVE A REPLY

Please enter your comment!
Please enter your name here